Маристат ялозанлык пашаеҥ-влакын 9 тылзаш лектышышт дене палдарен

Аналитик-влакын уверышт дене шӧр лӱштыш – 3%, муно 8% шукемын. Чывым да сӧснам озанлыклаште шукырак ончаш тӱҥалыныт, а теве шорык да казам, тӱкан шолдыра вольыкым шагалрак кучат. Озанлыклаште 9 тылзыште шӧр лӱштыш 3,5% ешаралтын да 7123 килограмыш шуын.

Уржа-сорла паша мучашлалтын. Октябрь тӱҥалтышлан 116 тӱжем гектарыште пырчан да отызан культурым поген налыныт. Тиде – ӱдымӧ кумдык гыч 93%. Пырчым 359 тӱжем тонным шийыныт, тиде, кодшо ий дене таҥастарымаште, 33% шукырак.