Оршанка районышто Калыклан пашам темлыше рӱдерым «Кадры» нацпроект дене тӧрлат

Пашам кок этап дене ышташ тӱҥалыт. Икымше этаплан 2 миллионат 300 тӱжем теҥге ойыралтын. Подрядчик-влак леведышым тӧрленыт, тыгак зданийыш пурымо омсам вашталтеныт, фасадым шотыш конденыт. Кокымшо этапыште специалист-влакын паша верыштым уэмдат, у оборудованийым келыштарат, «электрон черет» системым ыштат.

Тидын дене пырля толшо-влаклан вучаш йӧнан вер лиеш. Еҥ-влак пашам кычалме шотышто полышым сай условийыште налын кертыт, тыгак карьер шотышто паша писынрак каяш тӱҥалеш, палемдат район администрацийыште.