Оршанке районышто «Ойганыше авалан» мемориалым почыныт

Тудым «Инфраструктура для жизни» нацпроектын «Оласе средам йӧнаным ыштымаш» федерал проект дене ыштеныт.

Комплексым у мемориал пырдыж дене пойдарыме. Тушто Оршанка районышто шочшо – Совет Союзын геройжо да Слава Орденын тичмаш кавалерже-влакын лӱмыштым возымо. Кумдыкышто тыгак тротуар плиткым шареныт, понар-влакым вераҥденыт.

«Газпром газораспределение» компанийын специалистше-влак газ пучым шупшыныт да тиде мемориалыште курымашлык тулым чӱктеныт.