«Земский учитель» программыш ушныш кумылан-влак дечын йодмашым 14 ноябрь марте налыт

Ялыш пашам ышташ куснышо педагог-влаклан ик миллион наре теҥгем ойырен кертыт. Тений 1 январь гыч программе «Молодежь и дети» нацпроектын ужашыже. Туныктышо-влак 50 тӱжем еҥ илыман ял, села, поселко, ола шотан поселко але изи олаш пашам ышташ куснен кертыт. Программын регионысо операторжо Марий туныктыш институт. Тудо конкурсыш ушнышаш шонышо-влак дечын йодмашым пога. Марий Эллан 2025 ийыште 9 квото ойыралтын.