Звенигово районысо Кокшайск селаште кызытсе жаплан келшыше ГТО нормативым сдатлаш изирак спорт площадкым почмо.
Тудо Кологривов уремысе ялысе школ кумдыкышто верланен. Площадке школышто тунемше ден педагог-влаклан веле огыл, тыгак ты селаште илыше чыла еҥлан пайдале. Площадкым почмашке республикын спорт министрже Сергей Мухортов миен. Тудын мутшо почеш, яллаште тыгай спорт объект-влак калыклан, олашке лекде, пӧрт воктене физкультур дене кылым кучаш полшат. Площадке «Спорт России» кугыжаныш программын «Развитие физической культуры и массового спорта» федерал проектше почеш ышталтын. Тидлан 2,35 миллион теҥге ойыралтын, утларак шийвундо – федерал бюджет гыч. Муниципал бюджет кӱшеш площадкылан негызым ямдыленыт, увертареныт регионысо спорт министерствыште.