Марий Элыште Доброволецын кечыжым палемдаш ямдылалтыт.

Юрий Зайцевын кӱштымыж почеш Марий Эл Виктер вуйлатышын алмаштышыже - тӱвыра, печать да калык-влакын пашашт шотышто министр Константин Иванов регион вуйлатыше пелен добровольчествым вияҥдыме шотышто Советын заседанийжым эртарен. Доброволецын кечыже 5 декабрьыште палемдалтеш. Тиде кече лӱмеш мероприятий-влак декабрь мучко шуйнат. 1 гыч 31 декабрь марте республикыште «Домик добра», «Чаманыдыме кушкыжмо», «Донор марафон» акций эрта: калыклан тӱрло поро пашаш, мастарлык класслаш ушнаш але волонтёр лияш темлат. Тыгак школышто тунемше ден студент-влак илалше еҥ-влаклан полшен, маскироватлыме сетьым пидын, окоп сортам ямдылен кертыт. Тиде кечылаштак добровольчестве рӱдерлаште почмо омса кече-влак эртат.