Марий Эл ТВ: Учащиеся школ Марий Эл написали республиканскую олимпиаду по французскому языку

Шинчымашыштым тергат да шке палымыштым ончыктат. Марий Элыште тунемше-влак коклаште Российысе олимпиадын регионысо этапше тӱҥалын. Тудым йӱла почеш француз йылме дене таҥасымаш почын. Йот йылме дене шке шинчымашым улыжат 8 ӱдыр-рвезе терген, молан манаш гын ты предметым оласе икмыняр школышто веле туныктат. Француз йылме дене олимпиаде кок кече шуйна, тиде жапыште тунемше-влак возымаш, колыштмаш да мутланымаш дене кылдалтше заданий-влакым эртат.