Марий Эл ТВ: «Центр марийской вышивки» 2024 год объявил годом сохранения марийского мужского костюма

Ӧрма, пондаш йымал тӱр пӧръеҥ вургемыште гына лийын. Кӱзан ӱштӧ, пӧръеҥ шергаш, кидшол. Ӱдырымаш вургем дене таҥастарымаште, пӧръеҥ вургемыште тӱр шуко лийын огыл гынат, аралтыш пале-влак кугу верым налыт. Тачысе кечын марий пӧръеҥын вургемже вашталт толын да шукыжым аралалтынат огыл. Тидым шотышко налын, «Марий тӱр рӱдер», тӱрлызӧ-влак марий пӧръеҥын вургемже нерген утларак палдараш шонымаш дене 2024 ийым –пӧръеҥ вургемын идалыкше семын увертареныт.