Марий Эл ТВ: Звенигово районысо Сидельниково-Юлъялышке канде тул толын
Звенигово районысо Сидельниково-Юлъялышке канде тул толын. «Марий Элыште газификаций да газоснабжений» программе дене ик километр утларак газ пучым пыштеныт, тыгак газын редуцированийже шотышто 3 пунктым келыштареныт. Марий Элын вуйлатышыже Юрий Зайцев газым пайремлын колтымашке миен. Тудо Галина Николаевна да Владимир Геннадьевич Бронниковмытын пӧртыштышт лийын. Нуно вич шочшым куштеныт, 13 уныкалан куанат. Владимир Геннадьевич фермыште пашам ышта, Галина Николаевна сулен налме канышыште гынат, «Таир» социал-реабилитаций рӱдерыште воспитательлан тырша, «Юл сем» ансамбльышке коштеш.
