20:17, 6-03-2024Марий Эл ТВ: Йошкар-Олаште чолга да уста ӱдырамаш-влакым саламленыт

Йошкар-Олаште чолга да уста ӱдырамаш-влакым чапландареныт. 8-ше март вашеш рӱдоласе администрацийыште погынамаш эртен. Вашлиймашке 14 еҥ ушнен. Кажныже шке пашаже, шуктымо сомылжо дене Йошкар-Олам тӱзатымашке надыржым пышта, тудым вияҥда да чапландара. Чолга ӱдырамаш-влак радамыште врач, туныктышо, волонтёр да молат лийыныт. Тыгай пайрем погынымаш тений визымше гана эртен.