Марий Эл ТВ: Морко районысо Унчышто йоча Ӱярня пайрем

Республикысе марий тӱвыра рӱдер «Ӱярня» йоча пайремым тений Морко район Унчо селаште эртара. Тушко республикын 5 районжо, а тиде Советский, Параньга, У Торъял, Волжский да Морко гыч 9 школын тунемшыже-влак толыт. «Ӱярня» йоча пайремын программыже поян лиеш. Тунемше-влак «Ӱярня мелна», «Ӱярня кува», «Ӱярня» конкурслаште, квест-модышышто шке вийыштым тергаш тӱҥалыт. Пайрем марий калыкын йӱлажым палдарыме, шуарен толмо амал дене эртаралтеш.