Йошкар-Олаште «Регионы России в военной истории страны» шанче-практик конференций эртен. Поро йӱлаш пурышо форум кажне гана тӱрлӧ кундемла гыч ученый-влакым уша. Тений географийже кумда. 25 регион гыч участник-влак чумыргеныт. Норвегий, Финляндий, Беларусь Республик гычат шымлызе-влак ушненыт. Кок кечаш вашлиймашыште сарзе теме дене кылдалтше пӱсӧ йодыш-влакым лончылен каҥашеныт. Темым Лира Матвеева шуя.