19:14, 21-03-2024Марий Эл ТВ: Марий Элыште «Профессионалы» лӱман чемпионат почылтеш

Вес арнян Марий Элыште «Профессионалы» лӱман чемпионат почылтеш. Тений тудо 380 наре чолга студент ден школлаште тунемше-влакым чумыра. Ӱдыр-рвезе 50 наре компетенцийыште шке профессионал мастарлыкыштым да моштымашыштым ончыктат. Нунын радамыште йӱлаш пурышо «Кермычым оптымаш», «Бухгалтер учёт», «Социал паша» до йӧршеш у виктыш-влак: «Чодырасе таксаций», «Олам да кумдыкым тӱзатыме технологий-влак», «Цифровой модельер». Йошкар-Оласе Сатулымаш да технологий колледжыште куд компетенцийлан площадкым келыштареныт.