Марий Эл ТВ: Марий коллектив-влак ВДНХ-ш каеныт
Республикын лӱмлӧ ансамбльже-влак Москош каят. 25 гыч 28 апрель марте ВДНХ-се «Россия» ончерыште фольклорын кечыже-влак эрташ тӱҥалыт. Тушто Тамара Дмитриева лӱмеш мурышо да куштышо «Эрвел марий», «Пеледыш», фольклор да этнографий сынан «Марий памаш» ансамбль-влак мастарлыкыштым ончыкташ тӱҥалыт. Тӱвыра программыш тыгак Параньга районысо Ондропсола тӱвыра пӧртын «Поро кас» фольклор колективше да Кужэҥер районысо Йывансола клубын «Мурсескем» калык фольклор ансамбльже ушнат.
