Марий Эл ТВ: Сарыште лийше-влакым шарналтеныт

Сеҥымаш кечылан пӧлеклалтше мероприятий-влак ял шотан илемлаштат эртеныт. 9-ше майыште Шернур район Купран школын тунемшыже-влак Чылдемыр ялысе шарныктыш воктене кугезе коча-коваштым шарналташ чумыргеныт. Тиде школышто 52 йоча гына тунемеш, но кажныжын шке Талешкыже, шке геройжо, шке историйже. Кугу Сеҥымашын 79-ше идалыкшылан пӧлеклалтше митингыште ялын эртыкше, тиде кундем гыч тушман ваштареш кучедалаш кайыше еҥ-влак дене Чылдемыр ял шотан илемыште Ветеран-влак ушемым вуйлатыше Галина Кужнурова палдарен.