Марий Эл ТВ: Пеледыш пайремлан ямдылалтыт
Йошкар-Олаште гын Пеледыш пайремым июнь тылзын кумшо шуматкечынже палемдаш тÿҥалыт. Кызыт калыкын ик эн йӧратыме пайремжылан ямдылалтме паша тӱҥалын, лӱмын оргкомитет чумыралтын. Тушко 12 еҥ пурен. Молгунамсе семынак рӱдолашкына Российын тӱрлӧ регионжо гыч фольклор коллектив-влак толыт. Тений Пеледыш пайрем 15 июньышто эртаралтеш. 2022 ийыште Пеледыш пайремлан официальный статусым пенгыдемденыт. Документ дене келшышын, яллаште Пеледыш пайремым июнь тылзын икымше шуматкечынже палемдаш тÿҥалыт, арня гыч – райрÿдылаште. Пеледыш пайрем Республикысе закон дене келшышын эртаралтеш. Тудым Республик Вуйлатыше пенгыдемден.
