21:04, 24-05-2024Марий Эл ТВ: Иктешлыше кугыжаныш экзамен-влак тӱҥалыныт

Уло Россий мучко иктешлыше кугыжаныш экзаменым кучаш тӱҥалыныт. 23 майыште литератур, химий, географий предметла дене ЕГЭ лийын. Марий Элыште чылаже 545 еҥ возен. Географий дене 105 еҥ, литератур - 111, химий дене - 327 выпускник экзаменым кучен. Тений 11-ше классыште тунемше 2 тӱжемат 429 йоча, 9-ше классыште 7 тӱжемат 744 тунемше экзаменым куча. 11 классын тунемшыже-влак руш йылме да математике предмет-влак деч посна, утларакше физике, иформатике, химий, историйым ойырен налыныт. Экзаменым кучымо шотышто тений икмыняр вашталтыш уло.