Марий Эл ТВ: Москошто ВДНХ-ште Пеледыш пайрем гÿжлен
Историйыште икымше гана. Эртыше каныш кечылаште Москошто ВДНХ-ште Пеледыш пайрем гÿжлен. Тудо «Россия» форум-ончер кышкарыште лийын. Пайрем таҥошкылмаш гыч тÿҥалын. 500 наре еҥ «Каменный цветок» фонтан деч тÿҥ сцене марте ошкылын. Сцене гыч 3 шагаташ кугу концертым Марий Элысе коллектив, филармоний, Эрик Сапаев лÿмеш опер да балет театр, М.Шкетан лÿмеш театрын артистышт ончыктеныт. Тыгак Всемарийский хор, тÿвыра да сымыктыш колледжын студентышт ушненыт. Пайрем дене уна-влакым Марий Эл Республик Вуйлатыше Юрий Зайцев, Совет Федераций председательын алмаштышыже Константин Косачев саламленыт. Тыгак 75-ше павильонышто районласе усталык коллектив-влак выступатленыт да книга презентаций лийын.
