19:53, 27-05-2024Марий Эл ТВ: Турист-влаклан у маршрут темлалтеш

Тений кеҥеж гыч турист-влаклан «Великий Волжский путь» у маршрут темлалтеш. Регион-влак кокласе тур Юл кундемын кум регионжым авалтен. Тушко Озаҥ, Йошкар-Ола, Чебоксар да Свияжск остров-град пуреныт. «Великий Волжский путь» маршрутым туриндустрийын экспертше-влак 2015 ий гычак шымлат. Кодшо ийын регион-влак кокласе турист маршрутлан национальный статусым пуэныт. Шукерте огыл Татарстан, Чуваший да Марий кундемын туроператоржо-влак у маршрутым шымлыме амал дене Йошкар-Олаште погыненыт.