Марий Эл ТВ: «Страна героев» лагерь почылтын

Кундемыштына талешке-влакын тистыштым нӧлталыныт. «Лесная сказка» йоча каныме верыште «Страна героев» лӱман сарзе да историй лагерь пашам ышташ тӱҥалын. Икымше смене 7-ше июнь марте шуйна. Кызыт тушто 400 наре икшыве шуаралтеш. Ӱдыр-рвезе-влак шке шинчымашыштым «Защитники», «Хранители истории», «Волонтёры Победы» ден «Медиа Победы» виктышлаште кумдаҥдат. Патриот-влакын кажне кечышт моткоч тӱвыргӧ. Нуно эреак тунемыт, кап-кылыштым лывыртат, уш-акылыштым пудыратат.