Марий Эл ТВ: Черетан «Майатул» фестиваль мучашлалтын
Чеверын, Йошкар-Ола! Черетан «Майатул» фестиваль мучашлалтын. Гран-прим тений Карел национальный драме театр наҥгаен. Ты кÿкшö наградым нуно «Нора» спектакль дене суленыт. Шкетан лÿмеш марий кугыжаныш драме театрын артистше-влакымат саламлаш лиеш. Алексей Тетерин дене Светлана Строганова рольым сайын модмыштлан лауреат лÿмым налыныт. Композитор Григорий Архиповым «Йÿксалче» спектакльым эн сайын сöрастарымыжлан палемденыт. «Эн сай режиссур» номинацийыште - «Гамлет. Машина. Цемент» спектакльым шындымыж дене Степан Пектеев ойыртемалтын. Лачак тиде спектакль дене «Майатул» фестиваль почылтын.
