«Веломототранспорт» оперативно-профилактике мероприятий кышкарыште Шернур районышто рейд эртаралтын. Тергымаш ончыктен, мопед да мотоцикл-влак дене ийготыш шудымо йоча-влак водительын удостоверенийже деч посна пайдаланат. Шукыж годым йоча-влаклан тыгай транспортым ача-ава-влак шкеак налын пуат. 16 ийым эртыше икшыве закон ончылно шкеак мутым куча. 16 ийыш шудымо йоча-влак мототранспорт дене водительын удостоверенийже деч посна пайдаланат гын, мутым ача-ава-влак кучат. Тачысе кечын законодательстве дене келшышын, административный штрафын кугытшо – 30 000 теҥге.