Регион вуйлатыше Российын Геройжо Анатолий Иванов дене вашлийын. Юрий Зайцев сарзыеҥым чап лÿмым налмыж дене саламлен. Нуно тыгак ятыр моло йодышымат каҥашеныт. Тылеч ончыч герой дене вашиймаш шочмо Кужэҥер кундемыштыже Шорсола школышто эртен. Тушко администраций пашаеҥ, туныктышо, родо-тукымжо да верысе калык погыненыт. Ушештарем, сарзыеҥлан «Золотая звезда» медальым Россий Президент Владимир Путин 30 майыште Кремльын Екатерининский залыштыже кучыктен. Анатолий Иванов Новороссийскыште службым эрта. Российын Геройжо чап лÿмым специальный военный операцийыште патырлык дене ойыртемалтмыж дене сулен.
Комментариев: 0