Мӱкшызӧ да Параньга районысо Элнет кундемыште илыше-влак Мӱкш кумалтышке лектыт. Тений тудо 7 июльышто лиеш. Кодшо ийын икымше гана Элнет починга ял воктене Мӱкш кӱсотым почыныт. Тиде пашам мӱкшызӧ Алексей Кислицин вораҥдарен, ял калык тудын шонымашыжым сайлан шотлен. Тиде верым арам огыл ойырымо, эше икмыняр курым ончыч Элнет чодыраште мӱкш илыман кӧргашан пушеҥгыште еҥ-влак мӱйым кӱзеныт. Икмыняр тыгай пушеҥге тачысе кече мартеат аралалтын. Икымше кумалтыш деч вара тушко мӱкш-влакат илаш пуреныт. Тудо верыштак кугу пӱнчӧ воктене онаеҥ-влакын темлымашышт дене кумалтышым тарватеныт.
Комментариев: 0