Марий Эл ТВ: Финн-угровед-влакын конференцийышт эрта

Йошкар-Ола икмыняр кечылан кумда науко рӱдерыш савырнен. 27-30 июньышто финн-угровед-влакын «Кызытсе финноугроведений: науко–обществе–тӱвыра» лÿман конференцийышт эрта. Российын 19 регионжо гыч 280 наре ученый, шанче пашаеҥ, туныктышо, аспирант, студент-влак толыныт. Конференций пайремлын М. Шкетан лӱмеш марий кугыжаныш драме театрыште «Ме ик пушеҥгын укшлаже улына» концерт дене почылтын. Участник-влакым Марий Эл Республик вуйлатыше Юрий Зайцев саламлен.