Марий Эл ТВ: Ялозанлыклан специалистым ямдылат

Ялозанлыкыште пашам ышташ ямде специалист-влакым туныктен луктыныт. Йошкар-Оласе аграрный колледжыште «Профессионалитет» федерал проект кышкарыште икымше выпускник-влаклан дипломым кучыктеныт. Ӱдыр-рвезе-влакым кушкылым куштымо да кургым ямдылыме шотышто шуареныт. Тунеммаште кугу тӱткышым практикылан ойыреныт. «Профессионалитетын» тӱҥ шонымашыже – ончыклык специалист-влакым паша рынокын йодмашыжлан келыштарен туныктен лукташ. Колледжыште ÿдыр-рвезе-влак образовательно-производственный кластерыш логалыт.