МАРИЙ ЭЛ ТВ: Кундемыштына марий йылме дене лекше газет-влак кокла гыч икымше сетевой изданий ышталтын

Кундемыштына марий йылме дене лекше газет-влак кокла гыч икымше сетевой изданий ышталтын. «Марий Эл» газет электрон СМИ семын регистрацийым эртен. Газет 1915 ий годсек савыкталтеш, 10 ий утла шке сайтше пашам ышта. «Илыш ончыко кая. Лудшо-влак деке увер тӱрлӧ йӧн дене миен шушаш. Тидым шотыш налын, сайтнам посна электрон СМИ семын регистрацийым ышташ темленна» - палемда «Марий Эл» газетын тӱҥ редакторжо Светлана Пехметова. Темлымашым кугыжаныш кучем да министерстве сайлан шотленыт, электрон регистрацийым эрташ йӧным ыштеныт.