«Кеҥеж йӱд» спектакль - пӱртӱс лоҥгаште. Шкетан лӱмеш марий кугыжаныш драме театрын коллективше музыкальный комедийым Морко районысо Марий Кужер ялыште ончыкта. Тудо 11 августышто 19 шагатлан лиеш. Николай Арбанын произведенийыжым «Марий кундем» калык семӱзгар оркестр сӧрастара. Калыкын йӧратыме артистше-влак 20 наре арийым, дуэт, ансамбль, хор дене мурымо мурым йоҥгалтарат. Шкетан театрыште ты музыкальный комедийым кодшо тургымышто уэмденыт.