20:10, 12-08-2024Марий Эл ТВ: Пу скульптурым пӱчкедыме фестиваль-конкурс мучашлалтын

Марий Элын кидмастарже-влак ончыл верыште улыт. Йошкар-Олаште пу скульптурым пӱчкедыме Россий кӱкшытан икымше фестиваль-конкурс мучашлалтын. Конкурсант-влакын ямдылыме скульптурышт рӱдолаште кодыт. «Онар», «Ирга», «Чодыра оза», «Юмынӱдыр», «Карт кугыза» да моло паша-шамыч 5 кече ямдылалтыныт. Сеҥыше-влакым Марий паркын тӱҥ сценыштыже саламленыт. Икымше верыш Шернур районын кидмастарже Владимир Антропов лектын.