Марий Эл ТВ: Шке кумылын элым аралаш
Шке кумылын элым аралаш. Эртыше каныш кечын рӱдоласе сборный пункт гыч 20 наре доброволец специальный военный операцийыш каен. Ушештарем, контрактым 18 гыч 60 ияш марте кажне кумылан пӧръеҥ пеҥгыдемден кертеш. Нунылан Марий Эл ик гана 1 миллион теҥгем ойыра. Тидын шотышто указышке шке кидпалыжым Юрий Зайцев 19 августышто пыштен. Федерал выплате ончычсо семынак - 400 тӱжем теҥге. Тыге, республике гыч контракт почеш спецопераций верышке кайыше-влаклан ик гана 1 миллионат 400 тӱжем теҥгем пуат. Тыгак салтак да нунын ешыштлан ятыр льгот уло. Нуно санаторийыште канат, йоча-влакым школышто яра пукшат, транспортыштат оксам тӱлыде кудалтыштын кертыт да молат.
