Марий Эл ТВ: «Марий тӱвыра – калыкын илыше азбукыжо»
Республикысе Марий тӱвыра рӱдерын эртарыме этноурокшо регион кӱкшытыш лектеш. «Марий тӱвыра – калыкын илыше азбукыжо» проект дене урок 20 сентябрьыште Башкортостан республик Мишкан районысо Чорай селаште лиеш. «Сото вий» ансамбльын участникышт Эльвира Петрова, Светлана Яндукова да Лариса Сидоркина Яныш Ялкайн лӱмеш марий гимназийын тунемшышт дене вашлийыт. Туныктымо интенсив участник-влакым марий вургем, семӱзгар, сем, куштымаш, йӱла да модыш дене палдараш виктаралтын.
