Марий Эл ТВ: Вера Бояриновам шарныме пайрем лиеш

Икымше марий поэтессе, драматург, публицист Вера Бояринован шочмыжлан тений, 29 июльышто, 100 ий темын. Икымше почеламутлаже 1943 ийыште «Марий коммуна» газетеш да «Родина верч» альманахеш савыкталтыныт. Вера Бояринован творчествыштыже калык ойпого, фольклор, кугу верым налын шога. Тыгай улыт «Ош йӱксӧ», «Кӱдыроҥгыр кугыжаныш», «Овда», «Чоя Рывыж ден ушан Пӧрткайык» произведенийже-влак. М. Шкетан лӱмеш Марий кугыжаныш театрыште тудын «Ош йӱксӧ» ден «Овда» пьесылажым шындыме.