Марий Эл ТВ: «Серебряный бал» эртен

Илалше-влакын кечыштлан пӧлеклалтын да республикын чыла районжо гыч сулен налме канышыште улшо мужырым ушен. Шереметев замок ик кечылан куштымо да мурымо рӱдерыш савырнен. Пенсионер-влаклан тушто «Серебряный бал» эртен. Коча ден кова-влак вальс, менуэт, полонез, полько, 18-19 курымысо куштымаште пӧрдыныт. Ӱдырамаш-шамычын мотор тувырышт, а пӧръеҥ-влакын костюмышт тусо пагытыш пӧртылтеныт.