Марий Эл ТВ: Марий Эл чумыр Россий семынак «Кугу этнографий диктантлан» ямдылалтеш

Марий Эл чумыр Россий семынак «Кугу этнографий диктантлан» ямдылалтеш. Тений ты акций 1 гыч 8 ноябрь марте лиеш. Российыште илыше калык-влакын историйышт, тӱвырашт да йӱлашт дене кылдалтше йодыш-влаклан кажне кумылан еҥ вашештен кертеш. Диктант офлайн да онлайн йӧн дене эрта. Онлайн возаш кумылан-влак 1 гыч 8 ноябрь марте miretno.ru сайтыште шке шинчымашыштым терген кертыт, а очно 2 ноябрьыште Йошкар-Олаште С. Чавайн лӱмеш книгагудышто да Звенигово олаште краеведений тоштерыште возаш лиеш. Вашмутым 45 минут жапыште пуэн шуктыман.