Марий Эл ТВ: Йоча-влак «Мунло» интеллектуал модышышто таҥасеныт
Эн чолга-влакым ойыреныт. Йошкар-Оласе Калык тӱвыра пӧртыштӧ республикысе тӱрлӧ туныктымо тӧнежлаште шинчымашым погышо йоча-влак «Мунло» интеллектуал модышышто таҥасеныт. Нуно марий кундемын лӱмлӧ еҥышт, йылме да литератур, йӱла да историйыште шке шинчымашыштым ончыктеныт. Уш-акылым тергыше модышышто мемнан съемочный группына лийын.
