Марий Эл ТВ: Артист-влак уэш шке полатышкышт пӧртылыт

Вашке Марий самырык театрын артистше-влак уэш шке полатышкышт пӧртылыт. Ушештарем, 2023 ий кеҥежым «Тӱвыра» нацпроект почеш ты зданийым ачалаш тӱҥалыныт. Театрым ачалаш федеральный бюджет гыч 461 миллион утла, республикысе бюджет гыч 197 миллион теҥге ойыралтын. Театрын тӱжвал тӱсшӧ веле огыл, кӧргӧ сынжат вашталтын. Декорацийым, костюмым аралаш ешартыш вер-влакым ыштеныт. У тӱсым налше театр тений декабрьыште почылтеш.