Ешартыш шинчымашым яра налаш лиеш. Тыгай йӧным персонифицироватлыме сертификат ышта. Марий Элыште тудын дене 2021 ий гыч пайдаланаш лиеш. Сертификат 5 гыч 18 ияш марте йочалан келыштаралтын. Ача-ава шке икшывыжым ешартыш шинчымашым налаш икмыняр кружок але секцийыш колтен кертеш. Социальный сертификат нерген уверым «Навигатор» системыште муаш лиеш. Лачак тушто кажне икшывылан сертификат ойыралтеш. Тыгак ты системыште посна район але школышто ешартыш шинчымаш налаш лийме нерген уверым вераҥдыме. Чылаже 5 тӱжем чоло программе уло. Тышечын 500 нарыже социальный сертификат почеш.