Марий Элысе 5 проект тӱнямбал премий дене палемдалтын. 27-29 ноябрьыште Нижний Новгород олаште событийный туризм дене Russian Event Awards 13-шо тӱнямбал премийын финалже лийын. Тушто элнан 57 регионжо гыч 320 проект таҥасен. Тышечын 8-же – Марий Эл гыч лийын. Нунын кокла гыч 5-ше сеҥыше-влак радамыш лектын. «Юанай и злой Турни» йомак икымше вер дене палемдалтын. Тыгак «Йошка еш», «Йошкин КотоХод», «Марий калыкын легендыже» фестиваль-влак, «Праздник детства на фабрике игрушек» проект сеҥыше-влак радамышке логалыныт.
Комментариев: 0