Марий Эл ТВ: Эше ик фестиваль илышыш пура

Калык кокласе келшымашым пеҥдыдемдаш эше ик фестиваль илышыш пура. Йошкар-Оласе 32-шо номеран школышто еш йӱла калык кокласе фестиваль эртаралтын. Сценыште рӱдолаште илыше 10 тӱрлӧ калык йӱла ончыкталтын. У фестиваль Российыште илыше марий-влакын федерал калыкле-тӱвыра автономийын черетан проектше. Тудо Еш идалык кышкарыште тӱрлӧ национальностян еш-влакын йӱлаштым ончыктымо амал дене икымше гана эртаралтын.