«Марий теле» фестиваль Йӱштӧ Кугыза-влакым пырля чумырен. Эртыше каныш кечын 50 наре Йӱштӧ Кугыза кугу таҥашкылмашыш лектын. Йомак персонаж-влак Патриарший площадь гыч тӱҥалын, Чарла Кремль да рӱдӧ каныме парк гоч Ленин площадьыш ошкылыныт. Рӱдӧ площадьыште тӱҥ У ий кожым пайремлын чӱктеныт. Тыге ты площадьыште «Марий теле» фестиваль кышкарыште эртаралтше пайрем кас-влаклан тӱҥалтышым пыштеныт. Йошкар Олаште илыше-влак нунын дене пырля ушнен каеныт. Тыге Йӱштӧ Кугыза ден Лумӱдыр калыклан пайрем шӱлышым пӧлекленыт.
Комментариев: 0