Эн чолга марий йоча-влаклан «У ий йомак» пайрем эртен. Тудо 13 район, 2 ола да 10 йоча сымыктыш школ гыч 250 утла икшывым чумырен. Тиде кечын йоча-влак, чынжымак, йомакыш логалыныт. Пайремыш 6 гыч 15 ияш марте йочасадыш коштшо, школлаште тунемше йоча-влак толыныт. Марий ёлкыш марий йылмым палыше чолга ӱдыр-рвезе-влак чумыргеныт. Марий тӱвыра рудер кажне ийын у ий вашеш йоча-влаклан конкурс-влакым эртара. Тений, мутлан, «Йӱшто кочалан мурем», «У ий модыш», «Йӱшто Кугызалан серыш» конкурс-влак. Икшыве-влакым йомакысе герой-влак, идалыкын символжо Кишке, Лумӱдыр ден Йӱштӧ Кугыза куандареныт.
Комментариев: 0