Российын да Марий Элын сулло сӱретчыж деч мастарлык класс. Курыкмарий районын шочшыжо Сергей Алдушкин 10 январьыште 12 шагатлан Республикысе сӱретсымыктыш тоштерыште мастарлык-классым эртараш ямдылалтеш. Тудо «На Неве» лӱман пашажым угычтараш тӱҥалеш. Ты радына сӱретче-влак ушемын «Край марийский» ончерыштат шке вержым муын. Сергей Алдушкин акварель техникыште пашам ыштыше ик эн палыме еҥ. Пленэрышке чолган ушна, пӱртӱс сӱрет, тыгак портрет, натюрморт жанрыште келге шонымашан паша-влакым шочыкта.