Республикыштына эртыше кажне кугу меропритийлаште «Марий книга издательстве» савыктыш пӧрт шкенжын пашаже, тыгак тыште савыктыме книга-влак дене палдара. Шукерте огыл эртыше «Финно-угорский транзит» фестваль радамыште книга ончер-влак эртеныт. Тылеч посна издательствын еҥже-влак вес кундемла гыч толшо-влаклан «Музыкально-литературная гостиная» лӱман сылнымут да ныжыл сем касым эртареныт, у савыктыш-влак дене палымым ыштеныт. Тыгак касышке музыкант-влакымат ӱжыныт. Вес кундемла гыч толшо уна-шамычат шкеныштын усталыкыштым очыктеныт. «Муро да сылнымут еҥ-влакым пырля чумырен», - маныт Марий книга савыктышын пашаеҥже-влак.