Марий Эл ТВ: Эртыше шуматкечын Марий Элыште илыше-влак «Российын ечыгорныжо» таҥасымашыш ушненыт

Эртыше шуматкечын Марий Элыште илыше-влак «Российын ечыгорныжо» таҥасымашыш ушненыт. Тений тӱҥ старт Волжск олаште лийын. Тушко тӱжем утла еҥ чумырген. Шукын еш дене толыныт. Эн изи ийготан ечызе 2 ияш лийын. Кумылан-влак 5 километрым да 10 километрым ече дене эртеныт. Тыгак 2 тӱжемат 25 метр кужытан старт лийын. 5 километрым куржмаште ӱдыр-влак коклаште Юлия Грушевская, рвезе-влак коклаште Александр Тораев финишыш эн писын толыныт. 10 километран дистанцийыште ӱдырамаш-влак коклаште Чулпан Зуева, пӧръеҥ-влак коклаште Роман Важенин ик эн писе лийыныт. Йошкар-Ола воктенысе Корта ече базыш 600 наре участник погынен. Самырык-влак дене спортын ветеранже-влакат иктӧр ӱчашеныт.