Ик эн сай 30 у муро сцене гыч йоҥген. Марий Эл Радион эртарыме «Идалыкысе муро» фестиваль тений 14 гана эртен. Тудо калыкын ик эн йӧратыме лӱмлӧ артист-влак ден у мурызо-влакым, зал тич калыкым чумырен. Ты кастене эфирыште йоҥгалтше муро-влакым колаш да мурызо-влакым ужаш йӧн лийын. Палемдыман, ӱмаште Марий Эл радиошко чылаже 300 утла у муро пурен. Тышеч пелыже наре «У МУРО» рубрикыште йоҥген, молыжо уэмдыме тошто муро але у семын келыштарыме такмак-влак лийыныт. Концерт кум шагат шуйнен. Фестивальыште тӱрлӧ номинацийыште сеҥыше мурызым да нунын мурыштым палемденыт.