Марий Элысе увер технологий-влак да образований качествым аклыме рӱдерыште эн йодмашан предмет-влакым палемденыт
Марий Элысе увер технологий-влак да образований качествым аклыме рӱдерыште, ЦИТОКО-што, эн йодмашан предмет-влакым палемденыт. Тений 2 тӱжемат 800 утла тунемше кугыжаныш иктешлыше экзаменым кучаш тӱҥалеш. Тиде 11-ше классым, СУЗ-ым тунем пытарыше, кодшо ийласе выпускник-влак. Шукынжо обществознаний предметым ойырен налыныт. Кокымшо верыште – физике. Тиде предмет дене 800 наре тунемше экзаменым кучаш тӱҥалеш. Тунемше-влак тыгак биологий, информатике, историй предметлам ойырен налыныт. Тыгак тений руш литературым ойырышо-влакат шукын улыт. Тачысе кечын экзаменым эртарыме пунктымат ямдылыме паша шукталтеш.
