Марий Эл ТВ: Марий Элыште «Лингва-территория» лӱман республикысе йылме фестиваль эрта
Индий, араб, таджик да моло калыкын йӱлаже тунемше-влак ончылно. Интерактив урок - тиде «Лингва территория» лӱман республикысе йылме фестивальын ик ужашыже. Шочмо йылмын тӱнямбал кечыжлан пӧлеклалтше фестиваль - Марий кугыжаныш университет да Республикысе тӱвыра рӱдерын тӱшка проектше. Тудын кышкарыште мероприятий да этновашлиймаш-влак районлаштат эртаралтыт. Эртыше кечылаште тӱвыра пашаеҥ-влак Шернур посёлкысо 2-шо номеран школыш миен коштыныт. Тушеч мемнан сюжетна.
