Марий Эл ТВ: Марий Элыште ир янлык-влаклан кӧра лийше аварий шукемын

Марий Элыште ир янлык-влаклан кӧра лийше аварий шукемын. Шошым шукыж годым машина йымаке самырык шордо-влак логалыт. Регионысо янлыкым аралыме шотышто департаментыште палемдат, кундемыштына ир янлык дене ДТП утларакше Звенигово да Медведево районласе трассылаште лиеда.  Специалист-влакын мутышт почеш, корно туткар-влак 23 гыч 2 шагат йӱд марте да 5 гыч 9 шагат эр марте палемдалтыт. Садланак машинам виктарыше-влакым пычкемышалтмеке тӱткырак лияш да «Ир янлык» корно пале кумдыкышто писылыкым иземдаш йодыт. Ий еда шордо дене кылдалтше ДТП кундемыштына шукемеш. 2022-шо ийыште орава йымаке 50 янлык логалын гын, 2024-ште — 76.