Марий Эл ТВ: Курыкмарий районышто Сухин ял воктене тений «Эмер» икымше этноэкофестиваль эрта

Курыкмарий районышто Сухин ял воктенысе сылне аланыште идалыклан ик гана гына калык тичак погына - Пеледыш Айо-шко. Но кузе тиде пайремым ямдылыше-влак ойлат, тиде верым тӱрыснек кучылташ кулеш. Сандене ӱмаште Самырык-влакын политикышт шотышто комитет дене пырля Курыкмарий район администраций тиде йодышым ончен лектын. Да Сухин ял воктенысе аланыште патриотике сынан мероприятийлам эртарыме нерген ой лектын. Сандене тений «ЭМЕР» этноэкофестивальым ожнысо пионер лагерьын  кумдыкыштыжо эртараш палемденыт.