Марий Эл ТВ: Звенигово олаште Россий кӱкшытан Марий самырык тукым слет умбакыже шуйна

Самырык лидерым да ончыкылык вуйлатышым кушташ полшышо тренинг, лекций да занятий-влак. Звенигово олаште Россий кӱкшытан Марий самырык тукым слет умбакыже шуйна. Российын 8 регионжо гыч 120 участник арня жапыште тӱвыра, тунемме, спорт да усталык программе дене илат. Ӱдыр-рвезе-влак верысе лӱмлӧ еҥ дене вашлийыт, мастарлык-класс ден лекцийыште шинчымашым налыт, проектым возаш тунемыт. Участник-влак дене психолог, «Саскавий» ушем, банк пашаеҥ-влак вашлийыныт. Ӱдыр рвезе-влак  марий КВН-ыш, тӱрлӧ экскурсийыш ушненыт. Марий самырык тукым слёт калыкым тӱрлӧ кундем гыч марий тӱвырам да йылмым вияҥдыме амал дене чумыра.